ပဲပြားပေါင်း ချိုဆိမ့်လေး

သက်သတ်လွတ် ဟင်းတစ်မယ်အတွက် ပဲပြားကို အချိုအရသာ ပေါင်းထားပါတယ်။ ထမင်းပူပူလေးနဲ့ အရမ်းလိုက်ဖက်လွန်းပါတယ်။

ပါဝင်ပစ္စည်းများ

1. ပဲပြား - 250 g
2. ကြက်သွန်နီ -  အနေတော် တစ်ခြမ်း
3. ကြက်သွန်ဖြူ  -၂မွှာ
4. ဆား - လက်ဖက်ရည်ဇွန်း သုံးပုံတစ်ပုံ
5. ပဲငံပြာရည် အကြည် - ထမင်းစားဇွန်း တစ်ဝက်
6. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
7. ဆား - လက်ဖက်ရည်ဇွန်း တစ်ဝက်သာသာ
8. ပဲငံပြာရည် အနောက် - ထမင်းစားဇွန်း တစ်ဇွန်း
9. ရေ - ထမင်းစားဇွန်း ၇ဇွန်း

ပြင်ဆင်ပုံ

1.  ပဲပြားကို ရေဆေးကာ လက်တစ်လုံး အရွယ်လေးတွေ အချပ်လိုက် လှီးထားပါ။
2. ကြက်သွန်နီကို အခွံခွာပြီး အလုံးလိုက် ရေဆေးကာ တစ်ခြမ်းကို ခပ်ပါးပါး လှီးထားပါ။
3. ကြက်သွန်ဖြူကို အခွံခွာပြီး ရေဆေးကာ  ဓါးပြားရိုက်ထားပါ။
4. ပန်းကန်တစ်လုံးထဲမှာ ဆား၊ ပဲငံပြာရည်အနောက်၊ ပဲငံပြာရည်အကြည်၊ ရေနှင့် ငရုတ်ကောင်းမှုန့်တို့ကို ရောပြီး သမအောင် ပြင်ထားပါ။
5. ပန်းကန်တစ်လုံးထဲမှာ ပဲပြား၊ ကြက်သွန်ဖြူ၊ ကြက်သွန်နီနှင့် အရသာ စပ်ထားသော ပဲငံပြာရည်တို့ကို ထည့်ပေးပါ။
6. ထိုပန်းကန်ကို ပေါင်းအိုးထဲထည့်ပြီး အဖုံးအုပ်ပေးပါ။
7. ပြီးတာနဲ့ ပေါင်းမည့်ခလုတ်ကို နှိပ်ပေးပြီး သုံးမိနစ် ပေါင်းပေးပါ။
8. ပဲပြားပေါင်းချိန် သုံးမိနစ် ပြည့်တာနဲ့ ပေါင်းအိုးမှ လေထုတ်မည့် ခလုတ်ကို နှိပ်ပြီး လေကုန်အောင် နှိပ်ပေးပြီးမှ အိုးအဖုံးကို ဖွင့်ပေးပါ။
9. ပဲပြားပေါင်းစဉ် ထွက်လာသော အရည်မှာ အရမ်းကို ချိုတဲ့အတွက် အရည်သောက်ဆမ်းလေး ပြင်ပေးနိူင်ပါတယ်။
10. ပြီးတာနဲ့ ပဲပြားပေါင်း ပန်းကန်ကို ပေါင်းအိုးအပြင်သို့ ထုတ်ပေးပြီး ပူပူလူလူလေး သုံးဆောင်နိူင်ပါပြီ။

_______
mmlazp