ပဲကြီးနှပ် (အညာချက်)

ပါဝင်ပစ္စည်းများ

1. ပဲကြီး
2. ကြက်သွန်နီ
3. နနွင်းမှုန့်
4. ဆီ
5. ဆား

ပြင်ဆင်ချက်ပြုတ်ပုံ

1. ပဲကြီးက အခွံခွာပြီးသားမဟုတ်ရင် ပဲကြီးကို တစ်ညကြို ရေစိမ်ရပါတယ်။ မနက်ချက်မယ်ဆို ညကတည်း ရေမြုပ်အောင် စိမ်ထားလိုက်ပါ။ ပဲကြီးတစ်ဆ ရေ၃ ဆလောက်နဲ့ စိမ်ပါ။ ပွလာမှာနဲ့ အတော်ဖြစ်အောင်ပါ။
2. ချက်မယ့်အိုးထဲ အခွံခွာပြီးသား ပဲကြီးထည့်၊ ဆားသင့်ရုံ၊ ပဲဆီအနည်းငယ် (ဆီများများနဲ့နှပ်ချင်ရင်တော့ များများပေါ့)၊ ကြက်သွန်နီ အသေး အလုံးလိုက် (အသေးမရှိတော့ အကြီးကိုပဲ လေးစိတ်ထိုးထည့်လိုက်ပါတယ်)၊ ဆနွင်းမှုန့်အနည်းငယ် (အရောင်အတွက်ပါ၊ ဖြူဖြူလေးနှပ်ချင်ရင် မထည့်ပါနဲ့) ထည့်ပြီး မီးဖိုပေါ်တင်လိုက်ပါ။
   
   
   
   
3. မိနစ်အနည်းငယ် မွှေပေးပါ။ အဓိကကတော့ ဆနွင်းနံ့လေး ပျောက်ချင်လို့ပါ။ အားလုံး လုံးမိသွားပြီဆိုရင် ရေထည့်ပါ။ ရေကို ပဲမြုပ်ပြီး အပေါ် လက်တစ်ဆစ်ခန့်ထည့်ပါ။ အဖုံးဖုံးပြီး ရေခန်းတဲ့အထိ စောင့်ပါ။
4. ရေခန်းလာပြီး ဆီပြန်လာပြီဆို ပဲနူးမနူးစမ်းကြည့်ပြီး နူးရင် ဟင်းအိုးချလို့ရပါပြီ။ ရေခန်းခါနီး မှာ ပဲတွေကို မမွှေပါနဲ့။ ဟင်းအိုးလေးကို မ မပြီး အသာ လှုပ်ပေးပါ။ ပဲတွေကြေသွားမှာ စိုးလို့ပါ။
   

____
ငြိမ်း