ကညွတ်ခရုဆီကြော်

 

ပါဝင်ပစ္စည်းများ

1. ကညွတ် - လက်တစ်ဆုပ်စာ ၁ စည်း
2. ကြက်သွန်ဖြူ - ၄ မွှာ (ဓားပြားရိုက်ထားပါ။)
3. ခရုဆီ - စားပွဲတင်ဇွန်း ၁ ဇွန်း
4. ပဲဆီ - စားပွဲတင်ဇွန်း ၁ ဇွန်း
5. သကြား - အနည်းငယ်
6. ဆား - သင့်ရုံ

ပြင်ဆင်ချက်ပြုတ်ပုံ

1. ကညွတ်ကို ရေဆေးသန့်စင်ပြီး မာသောအရင်းပိုင်းဖြတ်ထုတ်ကာ အနုပိုင်းကိုယူပါ။ အဖူးမှလွဲ၍ ကျန်နေရာများကို အနည်းငယ်ထုပေးပြီး နှစ်သက်သလို အနေတော် ပိုင်းဖြတ်ထားပါ။
2. ဒယ်တွင် ဆီထည့်ပြီး ဆီကျက်အောင် တည်ပါ။ ဆီကျက်လျှင် ကြက်သွန်ဖြူ ဆီသတ်ပါ။
3. ကြက်သွန်ဖြူများအနည်းငယ်နွမ်းလာလျှင် ကညွတ်များထည့်၊ ခရုဆီ၊ ဆားအနည်းငယ်၊ သကြားအနည်းငယ်တို့ထည့်ကာ အနည်းငယ်မွှေပေးပြီး ရေနည်းနည်းထည့်၍ အဖုံးအုပ်ထားပါ။
4. ကညွတ်နူးလျှင် အပေါ့အငံမြည်း၊ လိုသလိုပြင်ပြီး ပန်းကန်ထဲထည့်ကာ တည်ခင်းသုံးဆောင်နိုင်ပါပြီ။

...........
o'chef