မျှစ် ချဉ်ငံစပ်ဟင်း

ပါဝင်ပစ္စည်းများ

1. မျှစ်နုနု - တစ်ထုတ် (500 g )
2. ပုစွန်ထုတ် - အကောင်ကြီးကြီး သုံးကောင်
3. ပုစွန်ငါးပိ - ထမင်းစားဇွန်း တစ်ဇွန်းမောက်မောက်
4. ငရုတ်သီးစိမ်း - စားနိုင်သလောက်
5. နံနံပင် - နှစ်သက်သလောက်
6. ငါးငံပြာရည် - ထမင်းစားဇွန်း နှစ်ဇွန်း
7. မန်ကျည်းသီးမှည့်အနှစ် - ထမင်းစားဇွန်း တစ်ဇွန်း
8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
9. အရသာမှုန့် - လက်ဖက်ရည်ဇွန်း တစ်ဇွန်း

ပြင်ဆင်ချက်ပြုတ်ပုံ

1. ပြုပ်ပြီးသား မျှစ်နုနုများကို ရေမြုပ်အောင်ထည့်ပြီး ပွက်ပွက်ဆူအောင် ပြုပ်ပေးပါ။
2. မျှစ်နုများက တခါတရံ ခါးသက်တတ်တဲ့အတွက် ပထမ တစ်ရည်ဆူပြီးပါက သွန်ပြစ်ကာ နောက်တစ်ရည် ထပ်ထည့်ပြီး ဆူအောင်တည်ကာ ရေဆေးထားပါ။
3. အရသာ ဝင်စေရန် နည်းနည်းရင့်နေတဲ့ အရင်းပိုင်းလေးတွေ အပေါ်မှ ဓါးချွန်လေးနှင့် လေးစိတ် ဓါးရာပေးကာ ဖောက်ပေးပါ။
4. ပုဇွန်ထုတ်ကို ရေအနည်းငယ်ထည့်ပြီး လှော်ကာ အခွံခွာထားပါ။
5. ငရုတ်သီးစိမ်း ပုဇွန်ငပိ ပုဇွန်လှော်တို့ကို ရေမြုပ်အောင်ထည့်ပြီး ငရုတ်သီးစိမ်း နူးအောင် ပြုပ်ပေးပါ။
6. ငရုတ်သီးစိမ်း နူးလာတာနဲ့ ပုဇွန်နှင့် ငရုတ်သီးစိမ်းများကို အရည်စစ်ပေးကာ ရောပြီးထောင်းပေးပါ။
7. နံနံပင်ကို ရေဆေးပေးထားပါ။
8. မန်ကျည်းမှည့်အနှစ်ကို ပြင်ထားပေးပါ။
9. မျှစ်အိုးထဲကိုနနွင်းမှုန့် အရသာမှုန့် ငရုတ်သီးစိမ်း ပြုပ်ထားသော အရည် ထောာင်းထားသော ပုဇွန်ငရုတ်သီးစိမ်းထောင်း ငံပြာရည်နှင့် ရေတို့ကိုထည့်ပြီး ရေပွက်ပွက်ဆူအောင် တည်ပေးပါ။
10. ရေဆူလာတာနဲ့ မကျည်းမှည့်အနှစ်ထည့်ကာ အရသာမြည်းပြီး လိုသလို ပြင်ပေးပါ။
11. ရေအနေအထား လိုချင်သလောက် ရပြီဆိုတာနဲ့ နံနံပင်အုပ်ကာ ပူပူစပ်စပ် ချဉ်ငံစပ်နေတဲ့ မျှစ်ချဉ်ငံစပ်ချက် ဟင်းပွဲကို ပြင်ပေးနိူင်ပါပြီ။

________
mmlazp