ကင်းပုံသီး ကြော်ချက်

ပါဝင်ပစ္စည်းများ

1. ကင်းပုံသီး
2. ကြက်သွန်ဖြူ
3. ကြက်သွန်နီ
4. ပုစွန်ခြောက်မှုန့်
5. ငရုတ်သီးအစိမ်းမှုန့်
6. ဆားအနည်းငယ်
7. အချိုမှုန့်အနည်းငယ်

 

ပြင်ဆင်ချက်ပြုတ်ပုံ

1. ကင်းပုံသီးကို ရေသေချာဆေးပြီး ထိပ်နှစ်ဘက်အနည်းငယ်ကို လှီးဖြတ်ပါ။ ပုံပါအတိုင်း ထက်ခြမ်းခြမ်းပါ။ ထို့နောက် လှီးထားသော အခြမ်းကိုမှောက်ပြီး ငရုတ်ကျည်ပွေ့နှင့် တစ်ချက်နှစ်ချက် ထုလိုက်ပါ။ အကုန်ထုပါ။
   
   
   
   
   
   
   
2. ကြက်သွန်အဖြူ နဲ့ အနီကို ထောင်းထားပါ။
   
   
   
   
   
3. အိုးထဲ ဆီအနည်းငယ်ထည့်၊ ဆီပူလာလျှင် ထောင်းထားသော ကြက်သွန်ဖြူ၊ နီကိုထည့် ဆီသတ်၊ ကျက်ခါနီးတွင် ငရုတ်သီးအစိမ်းမှုန့်ထည့်။ ထို့နောက် ပုစွန်ခြောက်မှုန့်ထည့်ပြီး ဆီသတ်ပါ။
   
   
   
   
   
4. ဆီသတ်ပြီးသောအခါ ထုထားသော ကင်းပုံသီးများကိုထည့်ပြီး စက္ကန့်အနည်းငယ်မွှေပေးပါ။ ထို့နောက် ရေမြုပ်ရုံထည့်၊ ဆားသင့်ရုံ၊ အချိုမှုန့်သုံးလျှင် အနည်းငယ်ထည့်မွှေပြီး အဖုံးခဏဖုံးထားပါ။
   
   
   
   
   
5. ဆီပြန်လာပြီး ကင်းပုံသီးနူးလာပြီးဆိုလျှင် ကင်းပုံသီးကြော်ချက်တစ်ခွက် အဆင်သင့်ဖြစ်ပါပြီ။

_____
ငြိမ်း