သပွတ်သီးကြော်ချက်

ပါဝင်ပစ္စည်းများ

1. သပွတ်သီး - တစ်ပိုင်း
2. ကြက်သွန်ဖြူ  - အမွှာကြီးကြီး နှစ်မွှာ
3. ကြက်သွန်နီ - အနေတော် တစ်ခြမ်း
4. ဆား - လက်ဖက်ရည်ဇွန်း တစ်ဝက်
5. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
6. ဆီ - ထမင်းစားဇွန်း တစ်ဇွန်းခွဲ
7. နနွင်းမှုန့် - လက်ဖက်ရည်ဇွန်း လေးပုံတစ်ပုံ
8. ပုဇွန်ဆတ်ထုတ် - ဆယ့်ခွန်နှစ်ကောင်
   

ပြင်ဆင်ပုံ

1. သပွတ်သီးရဲ့ အပေါ်ဖက်မှ အခွံများကို အခွံခွာဓါးဖြင့် ခွာပေးပါ
2. အခွံများ ခွာပြီးပါက ထိပ်နှစ်ဖက်ဖြတ်ကာ ရေဆေးပေးပါ
3. ရေဆေးပြီးမှ ထက်ဝက်ခြမ်းကာ ခပ်စောင်းစောင်း ထူထူလေးတွေ လှီးပေးပါ
4. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
5. ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
6. ပုဇွန်ကို အခွံခွာပြီး ခေါင်းများဖြုတ်ပေးကာ ကြောဖက်မှ အမည်းကြောင်းကို ထုတ်ထားပါ
7. ဇောက်နက်သော အနေတော် အိုးတစ်လုံးထဲမှာပု ဆီထည့်ပြီး အပူပေးပါ
8. ဆီပူလာတာနဲ့ နနွင်းမှုန့် ထည့်ပေးကာ ကြက်သွန်အဖြူ နှင့် ကြက်သွန်နီကိုထည့်ပြီး ကြော်ပေးပါ
9. ကြက်သွန်များ နွမ်းသွားတာနဲ့ ပုဇွန်ကို ထည့်ကြော်ပေးပါ
10. ပုဇွန်အရောင် ပြောင်းသွားတာနဲ့  သပွတ်သီး ဆားနှင့် အချိုမှုန့် တို့ကိုထည့်ပေးကာ ကြော်ပေးပါ
11. အရသာ သမသွားတာနဲ့ မိမိနှစ်သက်သလောက် ရေထည့်ပြီး တည်ပေးပါ
12. ဟင်းရည်အိုး ပွက်ပွက်ဆူလာတာနဲ့ သပွတ်သီး အစိမ်းရောင် မပြောင်းအောင် အိုးအဖုံးကိုဖွင့်ကာ တည်ပေးပါ
13. သပွတ်သီး နူးလာတာနဲ့ အရသာမြည်းပြီး လိုသလိုပြင်ကာ မီးပိတ်ပေးပြီး အိုးကိုမီးဖိုပေါ်က ဖယ်ထားပြီး သုံးဆောင်နိူင်ပါပြီ။

_____
mmlazp