ကန်စွန်းရွက်ပဲပုပ်စေ့ကြော်

ပါဝင်ပစ္စည်းများ

1. ကန်စွန်းရွက် - လက်တစ်ဆုပ်စာ ၁စည်း
2. ငရုတ်သီးစိမ်း - စားနိုင်သလောက်
3. ပဲပုပ်စေ့ - ထမင်းစားဇွန်း ၁ဇွန်း
4. ကြက်သွန်ဖြူ - အမွှာကြီးကြီး ၂မွှာ
5. အချိုမှုန့် - လက်ဖက်ရည်ဇွန်း ၁ဇွန်း
6. ဆား - လက်ဖက်ရည်ဇွန်း သုံးပုံတစ်ပုံ
7. ဆီ - ထမင်းစားဇွန်း ၃ဇွန်း
8. နနွင်းမှုန့် - လက်ဖက်ရည်ဇွန်ု သုံးပုံတစ်ပုံ
9. ငရုတ်ကောင်းမှုန့် - လက်ဖက်ရည်ဇွန်း တစ်ဝက်

ပြင်ဆင်ချက်ပြုတ်ပုံ

1. ကန်စွန်းရွက်ရင့်နေတဲ့ နေရာများကို ဖယ်ပစ်ပြီး အရိုးသပ်သပ်၊ အရွက်သပ်သပ် သင်ထားပါ။ အရိုးများကို ထက်ခြမ်းခွဲထားပါ။ ရေစင်အောင်ဆေး ရေစစ်ထားပါ။
2. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ။
3. ငရုတ်သီးစိမ်းကို ရေဆေးပြီး လှီးထားပါ။
4. ပဲပုပ်စေ့နှင့် ပါဝင်ပစ္စည်းများကို ပြင်ထားပါ။
5. ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပါ။
6. ဆီအငွေ့ တက်လာလျှင် နနွင်းမှုန့်နှင့် ဆားကိုအရင်ဆုံး ထည့်ကြော်လိုက်ပါ။
7. ကြက်သွန်ဖြူကို နွမ်းရုံလေး ထည့်ကြော်ပြီး ငရုတ်သီးစိမ်းကို ထည့်ကြော်ပေးပါ။
8. ပြီးလျှင် ကန်စွန်းရိုးကိုအရင်ထည့်ကြော်ပြီး ခဏနေမှ ကန်စွန်းရွက်များထည့်ကြော်ပါ။ ပဲပုတ်စေ့ ဆားနှင့် အချိုမှုန့်ထည့်မွှေပါ။
9. နှစ်မိနစ်လောက် ကြော်ပြီးလျှင် ငရုတ်ကောင်းမှုန့် ဖြူးပြီး ပူနေတုန်းလေး ပန်းကန်ထဲပြောင်းထည့်ကာ စားသုံးနိုင်ပါပြီ။

...........
Tuumar