ဒညင်းသီး ပုစွန်ခြောက်ငါးပိချက်

ရခိုင်လက်ရာ ဒညင်းသီးနှင့် ပုစွန်ခြောက်ငါးပိချက်

ပါဝင်ပစ္စည်းများ

1. ဒညင်းသီးပြုတ်………..၁၀လုံး
2. ရွှေပုစွန်ခြောက်………..၂ဇွန်း
3. စိမ်းစားငါးပိ.. …………..၁ဇွန်း
4. ငရုတ်သီးစိမ်း.. ………..၁၅တောင့်ခန့်
5. ကြက်သွန်နီ.. ………….၁လုံး
6. ကြက်သွန်ဖြူ.. ………..၅တက်
7. ခရမ်းချဉ်သီးမှည့်မှည့်..၅လုံးခန့်

ပြင်ဆင်ချက်ပြုတ်ပုံ

1. ဒညင်းသီးပြုတ်ကို ထက်ခြမ်းခွဲပြီး အညှောင့်လေးတွေ ထုတ်ပေးပါ။ ထိုအညှောင့်လေးက အခန့်မသင့်ရင် အစာအဆိပ်တက်တဲ့ဓာတ်ကို ဖြစ်ပေါ်စေတတ်ပါတယ်။
2. ထက်ခြမ်းခွဲပြီး ငရုတ်ဆုံမှာ ထောင်းပြားပြားပေးပါ။
3. ငါးပိကို ရေခပ်နွေးနွေးနှင့် ဖျော်ထားပါ။
4. ကြက်သွန်နီ၊ ဖြူနှင့် ငရုတ်ခြောက် ၃တောင့်လောက်ကိုရောပြီး ညှက်နေအောင်ထောင်းပါ။ ခရမ်းချဉ်သီးနှင့် ငရုတ်သီးစိမ်းကို ခပ်ကြမ်းကြမ်းလှီးပါ။
5. ဒယ်အိုးတစ်လုံးမှာ ထောင်းထားသောအရော၊ ခရမ်းချဉ်သီး၊ ရွှေပုစွန်ခြောက်တို့ကို နနွင်းမှုန့်အနည်းငယ်နှင့် အတူရောထည့်ပြီး ဆီအနည်းငယ်လောင်းထည့်ပါ။
6. အဖုံးအုပ်ပြီး မီးအေးအေးမှာ ဆီပြန်အောင်ချက်ပေးပါ။
7. ဆီပြန်လာလျှင် ထောင်းပြား(သို့)ခြမ်းထားတဲ့ ဒညင်းသီးတွေ ထည့်ချက်ပါ။
8. ၃မိနစ်ခန့် ဆက်ချက်ပြီးလျှင် အရည်ဖျော်ထားတဲ့ငါးပိကို လောင်းထည့်ပြီး ငရုတ်သီးစိမ်းတွေထည့်ပါ။
9. အဖုံးအုပ်ပြီး ရေခမ်းသည်အထိ ဆက်ချက်ပေးပါ။
10. အရသာအတိုးအလျှော့ ချိန်ဆပြီးရင် ထမင်းမြိန်တဲ့ ဒညင်းသီးငါးပိချက်လေးတစ်ခွက် ရပါပြီ။
    

________
jeeptoolay